🔧🔧 मोटारसायकल दुरुस्ती करीत असताना उडाला पेट्रोलचा भडका अन् जळाला तरूणाचा चेहरा🔧🔧
नादुरुस्त असलेली मोटारसायकलला दुरूस्ती करीत असताना दुचाकी मधील पेट्रोलचा भडका उडाला. यात तो भडका मोटारसायकल दुरुस्ती करणाऱ्या तरूणाच्या चेहऱ्यावर गेल्याने तरूण भाजला. ही घटना ५ जून रोजी सकाळी ११ वाजताच्या सुमारास आमगाव तालुक्यातील नवेगाव येथे घडली. विजय जयचंद रहांगडाले (२८) रा.भजेपार असे भाजलेल्या तरुणाचे नाव आहे. नवेगाव येथे तो मोटारसायकल दुरूस्ती करीत असताना अचानक मोटारसायकलने पेट घेतला. दुचाकी मधील पेट्रोलचा भडका उडाल्याने विजय राहंगडाले. त्याचा प्रथमोपचार आमगावच्या ग्रामीण रुग्णालयात केल्यानंतर पुढील उपचारासाठी गोंदियाच्या शासकीय वैद्यकीय- महाविद्यालयात दाखल करण्यात.आले. त्याच्यावर उपचार करूनही प्रकृती गंभीर असल्याने त्याला पुढील उपचारासाठी नागपूरला रवाना करण्यात आले. या घटनेची नोंद गोंदिया शहर पोलिसांनी घेतली आहे.