🍁🍁 वर्ग ११ वी कला चा स्वागत समारंभ संपन्न🍁🍁
सुमित ठाकरे (आमगाव )
आदर्श कनिष्ठ महाविद्यालय आमगाव येथे वर्ग १२ वी कला तर्फे वर्ग ११ वी साठी स्वागत समारंभ मोठ्या थाटात संपन्न झाला. समारोहाचे अध्यक्ष विद्यालयाचे पर्यवेक्षक प्रा. श्री उमेश मेंढे व प्रमुख अतिथी म्हणून ज्येष्ठ शिक्षक श्री होमेंद्र पटले होते.या प्रसंगी वर्ग १२ वी च्या विद्यार्थ्यांनी वर्ग ११ विद्यार्थ्यांचा नवीन शैक्षणिक जीवन प्रारंभासाठी स्वागत केला व शुभेच्छा दिल्या. समारोहाचे प्रस्ताविक प्रा. प्रवीण कावळे सर यांनी व आभार प्रदर्शन कु. कावेरी बारसे यांनी केले.
कार्यक्रमाचे संचालन कु. प्रिया बागडे यांनी केले. या प्रसंगी वर्ग ११ वी व १२ च्या विद्यार्थ्यांनी आपले मनोगत व्यक्त केले व आदर्श कनिष्ठ महाविद्यालय येथे प्रवेश मिळाल्याचे आनंद व्यक्त केले. काही विद्यार्थ्यांनी गीत सादर करून समारोहाला मोहक बनविला.आपल्या अध्यक्षीय भाषणात प्राध्यापक उमेश मेंढे यांनी कला विभागात प्रवेश करणाऱ्या विद्यार्थ्यांचे कौतुक केले व कला विभागातील विद्यार्थ्यांना नोकरीच्या विविध संध्या कशा उपलब्ध होतात या वर प्रकाश टाकला. प्रमुख अतिथी श्री पटले सर यांनी सुद्धा या प्रसंगी विद्यार्थ्यांना मार्गदर्शन केले.दीप प्रज्वलन ने समारोह प्रारंभ होऊन सामूहिक अल्पहार नी समारोहाची सांगता झाली.या समारंभाला यशस्वी करण्यासाठी प्रा कु आर जी अंबुले , प्रा. कु एस टी पटले , प्रा प्रवीण कावळे व वर्ग १२ वी कला च्या विद्यार्थ्यांनी प्रयत्न केले.