लखमापूर येथे वृक्षारोपण कार्यक्रम संपन्न
लखमापूर (गडचांदूर): स्वामी विवेकानंद सार्वजनिक वाचनालय लखमापूर आणि ग्रामपंचायत लखमापूर यांच्या संयुक्त विद्यमाने लखमापूर स्मशानभूमी परिसरात वृक्षारोपण कार्यक्रमाचे आयोजन करण्यात आले. या कार्यक्रमात गावातील युवकांनी सक्रिय सहभाग नोंदवत वृक्षांचे संगोपन करण्याची शपथ घेतली.कार्यक्रमाच्या अध्यक्षस्थानी सरपंच अरुण जुमनाके होते. यावेळी ग्रामपंचायत सदस्य प्रमोद सिडाम, कार्यकर्ते सुधीर थिपे, मोरेश्वर जोगी, संदीप बावणे, वाचनालय सल्लागार रोशन भोयर, जयदीप ठावरी, समाधान वासाडे, रोशन कोंडेकर, अमित केसुरकर, प्रतीक पिंपळशेंडे, दशरथ पारखी, दिपक भोयर, रितिक मोटघरे, रोशन उरकुंडे, शुभम कावळे, सुबोध उरकुंडे, अभिनव सिडाम आदी मान्यवर उपस्थित होते.युवकांनी वृक्षारोपणाद्वारे पर्यावरण संवर्धनाचे महत्त्व अधोरेखित करत स्थानिक परिसर हरित ठेवण्याचा संकल्प व्यक्त केला.