🏍️🚛आंबेडकर चौका येथे ट्रकच्या धडकेत दुचाकीस्वार ठार🚛🏍️
आमगाव येथील आंबेडकर चौकात बोअरवेल खोदणाऱ्या ट्रकने दुचाकीला मागेहून धडक दिल्याने दुचाकी चालक ठार झाल्याची घटना १ जुलैला सायंकाळी ५:४५ वाजता घडली. राजेंद्र पुरण रहिले (३९) रा. शिवणटोला (शिवणी) ता. आमगाव असे अपघातात ठार झालेल्या तरुणाचे नाव आहे.राजेंद्र राहिले हे शेतमजुरीचे काम करत होते. शेतीला जोड व्यवसाय म्हणून बकरी पालनही करत होते. त्यांनी जुन्या बकऱ्या विकल्याने नवीन बकऱ्या घेण्यासाठी ते गावातीलच अंकुश राखडे (२८, रा. शिवणटोला) या तरुणासोबत मोटारसायकल एमएच ४० एएस ७६२७ ने देवरी तालुक्यात गेले होते. देवरी तालुक्यातून परत येत असताना आमगाव येथील आंबेडकर चौकात वनविभागाच्या वनउपज तपासणी नाक्यासमोरच ट्रक एमएच ४० एन ३८७६ या वाहनाच्या खाली आल्याने राजेंद्र रहिले गंभीर जखमी झाला. त्याला उपचारासाठी गोंदियाच्या शासकीय वैद्यकीय महाविद्यालयात आणले असता डॉक्टररांनी मृत घोषित केले. त्याची उत्तरीय तपासणी गोंदियाच्या शासकीय वैद्यकीय महाविद्यालयात करण्यासाठी मृतदेह शवविच्छेदनगृहात ठेवण्यात आले आहे. या घटनेसंदर्भात ट्रकचालक आखिल धुर्वे (रा. बैतुल) याच्यावर आमगाव पोलिस ठाण्यात अपघाताचा गुन्हा दाखल करण्यात आला आहे.