राष्ट्रवादी काँग्रेसच्या युवक शहराध्यक्षपदी अंबादास खैरे यांची नियुक्ती
नाशिक लोकसभा युवक जिल्हाध्यक्ष पदी योगेश निसाळ तर दिंडोरी लोकसभा युवक जिल्हाध्यक्षपदी चेतन कासव यांची नियुक्ती
मुंबई,नाशिक,दि.१० ऑगस्ट:-* राष्ट्रवादी काँग्रेसच्या युवक शहराध्यक्षपदी अंबादास खैरे तर नाशिक लोकसभा युवक जिल्हाध्यक्ष पदी योगेश निसाळ व दिंडोरी लोकसभा युवक जिल्हाध्यक्षपदी चेतन कासव यांची नियुक्ती करण्यात आली आहे. राष्ट्रवादी काँग्रेस पार्टीचे राष्ट्रीय अध्यक्ष तथा राज्याचे उपमुख्यमंत्री अजितदादा पवार, राज्याचे अन्न नागरी पुरवठा मंत्री छगन भुजबळ यांच्या हस्ते आज मुंबईत या नियुक्ती पत्रांचे वाटप करण्यात आले.यावेळी माजी खासदार समीर भुजबळ, महिला प्रदेशाध्यक्ष रुपालीताई चाकणकर, युवक प्रदेशाध्यक्ष सुरज चव्हाण, शहराध्यक्ष रंजन ठाकरे यांच्यासह पदाधिकारी व कार्यकर्ते उपस्थित होते.