🏆🏆 गोरेगाव येथील दुर्गा माता मंदिर नवरात्री उत्सव समितीला प्रथम पारितोषिक प्रदान... 🏆🏆
प्रमोद वाकले (गोंदिया)
नुकताच संपूर्ण महाराष्ट्रासह देशभरामध्ये मोठ्या उत्साहात नवरात्री उत्सव संपन्न झाला. गोंदिया जिल्ह्यात देखील नवरात्र उत्सवाची धूम पाहायला मिळाली. वैनगंगा क्षत्रिय बहुद्देशीय संस्था नागपूर यांच्यावतीने गोंदिया जिल्ह्यामध्ये आदर्श सार्वजनिक दुर्गा उत्सव मंडळाच्या स्पर्धेचे आयोजन करण्यात आले होते. या स्पर्धेचा बक्षीस वितरण सोहळा आज गोंदिया येथे थाटात पार पडला. याप्रसंगी गोंदिया जिल्ह्यातील श्री दुर्गा माता मंदिर नवरात्री उत्सव समिती गोरेगाव यांना प्रथम पारितोषिक प्रदान करण्यात आले. तर या स्पर्धेमध्ये गोंदिया जिल्ह्यातील एकूण 191 दुर्गा उत्सव मंडळ आणि शारदा उत्सव मंडळ यांनी सहभाग नोंदविला होता. या मंडळांपैकी श्री दुर्गा माता मंदिर नवरात्री उत्सव समिती गोरेगाव यांनी प्रथम क्रमांक पटकाविल्याने संपूर्ण जिल्हाभरातून त्यांचे अभिनंदन केले जात आहे.