नाशिक, बदलापूर नंतर आता गोंदियात शिक्षकानी केला विद्यार्थिनीचा विनयभंग

 नाशिक, बदलापूर , रत्नागिरी , लातूर , जळगाव , पालघर आता गोंदियात शिक्षकानी केला विद्यार्थिनीचा विनयभंग

गोंदिया जिल्ह्यातील तिरोडा तालुक्यातील एका कनिष्ठ महाविद्यालयातील शिक्षकाने अकरावीत शिकणाऱ्या विद्यार्थिनीचा विनयभंग केल्याचा प्रकार समोर आला आहे. या घटनेमुळे परिसरात खळबळ उडाली आहे. आरोपी शिक्षक उमेश मेश्राम याने पीडित विद्यार्थिनीच्या मोबाइलवर अश्लील फोटो व मॅसेज पाठवून तिची छेड काढली होती. मुलीच्या मोबाइलवर आलेल्या व्हॉट्सअॅप मॅसेजमुळे हा प्रकार उघडकीस आला.पीडित मुलीने आपल्या पालकांना याबाबत माहिती दिल्यानंतर त्यांनी तिरोडा पोलिस ठाण्यात तक्रार दाखल केली. पोलिसांनी या तक्रारीवरून भारतीय दंड संहिता कलम 602, 74, 75 (1), 73, 78, 332 आणि अनु. जाती-जमाती कायद्यांतर्गत गुन्हा नोंदवून आरोपी उमेश मेश्रामला अटक केली आहे. अटक गुरुवारी रात्री ९ वाजता करण्यात आली.या घटनेबाबत विचारले असता, शाळेचे प्राचार्य संजय जाधव यांनी ही घटना शाळेच्या परिसरातील नसून बाहेरची असल्याचे सांगितले. या प्रकरणाची तक्रार जिल्हा परिषद मुख्य कार्यकारी अधिकारी यांनाही करण्यात आली. मुख्य कार्यकारी अधिकारी एम. मुरुगानंथम यांनी शिक्षक उमेश मेश्रामला तात्काळ कार्यमुक्त करण्याचे आदेश दिले आहेत.घटनेच्या निषेधार्थ आणि मुलींच्या सुरक्षिततेसाठी योग्य ती पावले उचलण्याची मागणी आता पालक आणि विद्यार्थ्यांनी केली आहे.