आदर्श विद्यालयात - शालेय मंत्रिमंडल निवडणूक सम्पन्न
गोंदिया : बात्मी संकलन (सुमित ठाकरे)
आदर्श विद्यालय आमगांव येथे मिडल स्कूल विभाग शालेय मंत्री मंडल निवडणूक सार्वत्रिक निवडणुकीच्या धर्तीवर दिनांक २४ जुलै रोजी लोकतंत्रिक पद्धतीने घेण्यात आली. विद्यार्थ्यांनी गुप्त मतदान पद्धतीने मत पत्रिका मत पेटीत टाकल्या. या प्रसंगी विद्यार्थ्यांना मत दानाचे महत्व व मतदान कसे करावे याचे प्रशिक्षण सुद्धा देण्यात आले. रांगेत उभे राहून आपल्या क्रमांकावर मतदान करणे व आपल्या आवडीचा प्रतिनिधी निवडणे ही प्रक्रिया विद्यार्थ्यांनी आत्मसात केली. सार्वत्रिक निवडणुकीचे वातावरण या प्रसंगी निर्माण करण्यात आले. विद्यार्थ्यांच्या बोटांना शाही सुद्धा लावण्यात आली.निवडणूक अधिकारी म्हणून श्री व्ही एस पांडे, श्री व्ही व्ही महारवडे, श्री एल एस लक्षणे श्रीमती ए के मानकर श्रीमती टी यू गौतम यांनी कार्य यशस्वीपणे सांभाळले. मुख्य निवडणूक आयुक्त म्हणून विद्यालयाचे पर्यवेक्षक श्री यु एस मेंढे हे उपस्थित होते. या निवडणुकीला यशस्वी करण्यासाठी सर्व शिक्षकांचा सहभाग लाभला.