नागपूर; पारशिवनी, कन्हान, कान्द्री येथे तहसील कार्यालयाच्या वतीने आयोजित रक्तदान शिबिरात रक्तदान करणाऱ्या सर्व रक्तदात्यांचे हार्दिक आभार. या शिबिरात पारशिवनी तालुक्यातील आपदा मित्र, तहसीलदार, पोलीस प्रशासन, ग्राम सेवक, तलाठी, वैद्यकीय अधिकारी, आशा वर्कर, पोलीस पाटील, कोतवाल, समाजसेवक, शेतकरी आणि नागरिकांनी सक्रिय सहभाग घेतला.तहसीलदार, नायब तहसीलदार, अधिकारी व कर्मचाऱ्यांनीही उत्साहाने रक्तदान करून देशसेवेत आपले मोलाचे योगदान दिले. यावेळी नगरपंचायत कांद्री (कन्हान) चे मुख्याधिकारी सचिन गाढवे, जिल्हा आपत्ती व्यवस्थापनातील आपदा मित्र श्याम मस्के, लेखापाल हरीचंद्र ठाकरे आणि आरोग्य उपकेंद्रातील समुदाय आरोग्य अधिकारी उपस्थित होते.शिबिराच्या यशस्वी आयोजनासाठी सर्व अधिकारी, कर्मचारी आणि सहभागी नागरिकांचे नगरपंचायत कांद्री (कन्हान) चे मुख्याधिकारी सचिन गाढवे यांनी आभार मानले.